Nika Dry/Wet
პირველ რიგში მინდა გითხრათ რომ აღნიშნული მეთოდი ჩემი მოგონილი არ არის, უბრალოდ ყველა სხვა სახელი რაც თავში მომივიდა ამაზე ბევრად გრძელი გამოდიოდა…
რატომ შეიძლება დაგჭირდეს Nika Dry/Wet - ი ?
არის ებლტონში ეფექტები რომელთაც Dry/Wet ღილაკი არ გააჩნიათ…
კარგი ჰო ! კარგი ! ერთია მხოლოდ ეგეთი, Redux - ი ჰქვია... მაგრამ შეიძლება გაკეთებული გაქვს Chain - ი, რომელშიც გაერთიანებულია რამდენიმე ეფექტი და მათი ერთობლიობის შერევა გჭირდება სიგნალთან, და თან არც Return Track - ის გამოყენება გინდა. აი ზუსტად ამ დროს (და კიდევ სხვა მილიონ შემთხვევაში) შეიძლება დაგჭირდეს Nika Dry/Wet - ი.
ერთი აუცილებლად გასათვალისწინებელი ფაქტი: ამ გაკვეთილში ღილაკების 90 % ში სიტყვა Chain - ი ურევია, ამიტომ არ დაიბნეთ.
1. იღებ Audio Effect Rack - ს
2. აწვები ღილაკს Show Chains
3. პირველ Chain - ს უცვლი სახელს და არქმევ Wet - ს
4. აგდებ ეფექტების ჯგუფს ან ეფექტს რომელსაც Dry/Wet - ი არ აქვს
5. ქმნი ახალ Chain - ს, არქმევ Dry - ს და აღნიშნულ Chain - ს აღარ ეხები
6. აწვები Chain - ს
7. მიგაქვს მაუსი ორივე ჩეინის Zone Editor - თან და წელავ ბოლომდე
8. მიგაქვს მაუსი მარცხნივ, პირველი Chain - ის ზოლთან , რომელსაც Wet - ი დავარქვით. (ოღონდ ზემოთ მცირე ზომის ზოლთან მიგაქვს მაუსი და არა ქვედასთან) მაუსის მარჯვნივ გაწევით აკეთებ Fade In - ს
9. მიგაქვს მაუსი მარჯვნივ მეორე Chain - ის ზოლთან, რომელსაც Dry - ი დავარქვით. (ოღონდ ზემოთ მცირე ზომის ზოლთან მიგაქვს მაუსი და არა ქვედასთან) მაუსის მარცხნივ გაწევით აკეთებ Fade Out - ს
10. ზემოთ, Chain ის გასწვრივ გვაქვს კიდევ ერთი ღილაკი, რომელსაც Chain Selector - ი ჰქვია. მიგაქვს მაუსი და მარჯვენა კლიკით აბამ ცარიელ Macro - ზე.
რა თქმა უნდა შეგიძლია აღნიშნული Rack ი შეინახო და სხვა დროსაც გამოიყენო, ოღონდ Nika Dry-Wet - ს თუ არ დაარქმევ არ იმუშავებს…
