Ableton Link

რისემპლინგი

თუ სტუდიაში მუშაობ ან ხშირად უკრავ „ივენთებზე“, მაშინ აუცილებლად იგრძნობდი უეცრად მოვარდნილ სევდას, რასაც ერთმანეთში გადახლართული კაბელების დანახვა იწვევს. იმედია ოცნება უკაბელო ნათელ მომავალზე, მალე რეალობად იქცევა და კაბელების გასუფთავება, სწორად დახვევა და ლამაზად დალაგება წარსულს ჩაბარდება. ამაზე აქტიურად მუშაობს აუდიო სამყარო და ერთ-ერთი დიდი წინ გადადგმული ნაბიჯი ამ საქმეში Ableton Link - ია, რომელიც მუსიკოსებს საშუალებას აძლევს სხვადასხვა მუსიკალური აპლიკაცია და პროგრამა ერთმანეთთან დაასინქრონოს.

მაგალითად ადრე (ადრეს ვამბობ თორემ 2016 წლამდე მასე იყო) თუ ორი ებლტონის ერთმანეთთან დასინქრონებას მოინდომებდი, დაგჭირდებოდა კაბელი, მოწყობილობა კარგი MIDI Clock - ით, ორ სხვადასხვა კომპიუტერში დაყენებული ებლტონის პარამეტრებში დაუსრულებელი ბოდიალი და შამანი, რომელიც თავისი შელოცვით თუ ვერაფერს გიშველიდა, გაგართობდა მაინც. 

აუდიო არხის შექმნა

ეს პრობლემა ებლტონმა პატარა კოდით მოაგვარა რომელსაც Ableton Link - ი დაარქვა და დეველოპერებს მისცა უფლება, უფასოდ გამოეყენებინათ თავიანთ პროგრამებსა და მობილურ აპლიკაციებში. 

იმისთვის რომ Ableton Link - მა იმუშაოს გჭირდება:

 1. მინიმუმ 2 პროგრამა ან მობილური აპლიკაცია რომელშიც Link - ს ჩაშენებულია. (სინქრონიზაციისას პროგრამების რაოდენობაში შეზღუდული არ ხარ, თუ ერთდროულად 30000000000 მოწყობილობის ერთმანეთთან დაკავშირებას არ აპირებ, მაშინ Link - ი იმუშავებს უპრობლემოდ)

2. Wifi ქსელი, რომელზეც მოწყობილობებს დასვამ. არ არის აუცილებელი ამ Wifi ქსელს ინტერნეტზე ჰქონდეს წვდომა. (რამდენჯერმე მქონდა შემთხვევა როცა ფესტივალიდან დაურეკავთ აღელვებულ-აღშფოთებული ტონით Link - ი ჭედავსო, ყოველ ჯერზე ერთსადაიმავე პრობლემას ვაწყდებოდი, იყენებდნენ საერთო Wifi ქსელს, რომლითაც მათ გარდა 500 00 კაცი სარგებლობდა) შეგიძლია გააკეთო „computer-to-computer network“ - ი, რასაც მაკზე ზუსტად ორი კლიკი სჭირდება, ან შექმნა Personal Hotspot - ი ტელეფონზე ან ვინდოუსზე, უკიდურეს შემთხვევაში დაგჭირდება ერთი როუტერი, რომელსაც ინტერნეტთან არ ექნება კავშირი და მხოლოდ იმისთვის გამოიყენებ, რომ ყველა მოწყობილობა ერთსადაიმავე Wifi - ს დაუკავშირო.

როცა დასასინქრონებელ მოწყობილობებს ერთსადაიმავე ქსელს დაუკავშირებ უკვე ყველაფერი მზად იქნება იმისთვის რომ Link - ი გააქტიურო.

Windows - ის მომხმარებლმებმა გაითავალისწინეთ რომ Link - ი მუშაობს მხოლოდ ASIO - ზე, ამიტომ Audio Output Device - ში თუ MME/DirectX - ია მითითებული, Link - ი არ გამოჩნდება.

ებლტონში Link - ის გააქტიურება ხდება Preferences > Link MIDI სექციიდან

რისემპლინგის არჩევარისემპლინგის არჩევარისემპლინგის არჩევა

შედიხარ აპლიკაციის პარამეტრებში (ამ შემთხვევაში ვიყენებ აპლიკაციას Reason Compact) და რთავ Link - ს

რისემპლინგის არჩევა

ახლა უკვე ნებისმიერ დროს შეგიძლია დააწვე Play - ს, Link - ი იზრუნებს რომ შენი აპლიკაციიდან გამომავალი სიგნალი სინქრონში იყოს ყველა დანარჩენთან.

ტემპის ცვლილება ნებისმიერ აპლიკაციაში, გამოიწვევს ტემპის ცვლილებას მასთან დასინქრონებულ ყველა მოწყობილობაზე. 

ყველა პროგრამას და მობილურ აპლიკაციას, რომელსაც Start Stop Sync ექნება ჩართული, შეძლებენ ერთმანეთის ჩართვა/დაპაუზებას.

ablink5
ablink6